29 верасня ў раённым цэнтры адбыўся першы восеньскі кірмаш. Суботнім дажджлівым ранкам сустракала Сянно сваіх першых гасцей. Вельмі хутка цэнтр горада ператварыўся ў вялікі прыгожы “Сялянскі падворк” з мноствам тавараў на розны густ. А цудоўныя восеньскія кветкі дапаўнялі гэту непаўторную казачную прыгажосць. Нават дождж спыніўся, можа, загледзеўся на ўсю гэту прыгажосць, забыушыся пра свой абавязак. І надвор’е ўсталявалася спрыяльнае для гандлю. Кірмаш сабраў навучальныя ўстановы і сельскагаспадарчыя прадпрыемствы раёна. Наша школа-інтэрнат таксама прыняла ўдзел у кірмашы. Святочны падворак нашай школы, аформлены ў народным стыле, разам з настаўнікамі і актывістамі вучнёўскага самакіравання, сардэчна вітаў сваіх пакупнікоў. Ім было прапанавана мноства разнастайнага тавару: швейныя і сталярныя вырабы, дэкаратыўныя сувеніры, сельскагаспадарчая прадукцыя. Попытам карысталіся нашы сурвэткі, ільняныя вырабы, сувенірная прадукцыя, фартухі і драўляная мэбля. Але лепей за ўсё разыходілася гародніна: капуста і бульба, буракі, морква і цыбуля. Падчас кірмашу іх прадалі больш чым на 300 рублёў. Бліжэй к абеду гандляры пачалі збіраць свае падворкі. Стаміушыяся, крыху замёрзшыя, але задаволеныя вынікам гандлю, ўдзельнікі кірмашу раз’язджаліся па дамах. Матэрыял падрыхтавала удзельніца кірмаша, настаўніца пачатковых класаў Карпека Н.П. |
News for 2024
|