Павіншаваць вучняў Сенненскай школы-інтэрната з Раством Хрыстовым прыехалі прадстаўнікі Папраўчай ўстановы "Папраўчая калонія № 3" упраўлення ДВП МУС Рэспублікі Беларусь па Віцебскай вобласці. Установа ўпершыню прымае ўдзел у дабрачыннай акцыі “Нашы дзеці”. Афіцэры ўстановы прывезлі дзецям цукеркі, розныя кандзіцерскія вырабы, сшыткі і алоўкі, фламасцеры і гелевыя ручкі. Усім дзецям , якія прысутнічалі на занятках уручылі салодкія падаркі. Для ўсіх адсутных у школе-інтэрнаце дзяцей, на момант прыезду гасцей, салодкія падарункі аставілі ў кабінеце завуча школы. На ўсё астатнее быў складзены акт і цукеркі і вучнёўскія прылады члены камісіі перадалі на склад. Пры ўручэнні падарункаў, дзецям абвясцілі, штот набыты гэтыя падарункі на ўласныя сродкі афіцэраў і асуджаных калоніі №3. Праграмай сустрэчы была прадугледжана экскурсія па школе, падчас якой госці наведалі школьныя майстэрні, выставу крамы школы-фабрыкі “Цуды на каляды”. Афіцэры папраўчай ўстановы былі ўраджаны аб’ёмам прадукцыі і вырабаў, якія былі прадстаўлены на школьнай выставе. Здзівіла і тое, што ўсё гэта зроблена дзіцячымі рукамі пад кіраўніцтвам майстроў вытворчага навучання. Госці звярнулі ўвагу і на святочнае ўбранства класаў і ўвогуле ўсёй школы. Пасля экскурсіі яны зазначылі, што дзеці ў нашай школе-інтэрнаце жывуць у добрых умовах, пад апекай любячых і таленавітых настаўнікаў і выхавацелей. Празвінеў школьны званок і абвясціў аб пачатку чарговага ўрока. Дзеці і педагогі развіталіся з гасцямі з "Папраўчай калоніі № 3" і на памяць аб сустрэчы ўручылі невялікія калядныя сувеніры. Адбылася гэта сустрэча дзякуючы папярэднім стасункам з супрацоўнікамі рэдакцыі газеты “Віцьбічы”. З дапамогай Алены Баброўскай Сенненская школа-інтэрнат перадала невялікую колькасць кніг Папраўчай ўстанове "Папраўчая калонія № 3". Кнігі не новыя і па свайму ўзроставаму складу не падыходзілі для падлеткаў. З дазволу адміністрацыі школы-інтэрната ў пачату снежня 2018 года кнігі перадалі папраўчай ўстанове. Матэрыял падрыхтавала загадчыца школьнай бібліятэкі К.У.Кручок |
News for 2024
|